2. Vi har nulltoleranse mot vold, banning, stygg språkbruk, rasistisk haldning og utsegn.

Brot på regelen, felles reaksjon frå skulen si side:

•  Banning / uakseptabel språkbruk:
1. Tilsnakk av den vaksne som høyrer dette. Ved stygge tilfelle blir lærar kontakta ( gul lapp).
2. Uakseptabel språkbruk ovafor vaksne fører til møte med rektor. Eleven ringjer heim og fortel om situasjonen.

•  Ein elev utøver vold mot andre:
1. Eleven blir fjerna frå hendinga og må ringje heim og fortelje kva som hendte.
2. I grove tilfelle ringjer eleven heim til den fornærma.
3. I særskilt grove brot på regel nr. 2 kan eleven bli utvist frå skulen. Viser til Opplæringslova § 2-10.

3. Vi møter presis til timane. Alle har ansvar for at det er arbeidsro i timane.
* Klassane kan i tillegg lage eigne klassereglar.

Brot på regelen, felles reaksjon frå skulen si side:

•  Eleven kjem gjentekne gonger for seint til timen:
1. Eleven tek igjen arbeidet heime. Foreldre blir orientert.

•  Eleven kjem gjentekne gonger for seint om morgonen:
1. Føresette sørgjer for å få eige barn til skulen til rett tid. Foreldreplikta i Barnelova er krystallklar og føresette må ta nødvendige grep.

•  Elevar uroar medelevar i undervisninga:
1. Læraren snakkar med eleven.
2. Eleven blir fjerna frå klasserommet. Tilsyn av rektor eller andre vaksne.
3. Eleven ringjer heim og fortel om hendinga.

4.Vi skal ikkje øydeleggje skulen sine ting eller noko som andre eig.
* Klassen kan lage eigne klassereglar.

Brot på regelen, felles reaksjon frå skulen si side:

•  Ein elev som øydelegg utstyr på skulen ved uhell eller ved hærverk:
1. Eleven / føresette blir erstatningspliktig etter gjeldande regelverk i Skadeerstatningslova. Hovudregel er at føresette har eit objektivt ansvar for barn under 18 år som dei har omsorg for etter Skadeerstatningslova § 1-2 nr. 2 med inntil 5 000 kr pr. skadetilfelle. Ved reint uhell vil skulen bruke skjønn.

•  Ein elev som skadar / øydelegg noko som tilhøyrer andre:
1. Lærar, saman med eleven som har utført skaden, tek kontakt med heimane til begge partar. Heimane må sjølve ordne opp i saka.

5. I skuletida skal alle elevane opphalde seg innafor skulen sitt område. I friminutta skal elevane vere ute. Unnatak er etter avtale med vaksne. All leik må vere slik at du og andre ikkje blir skada.

Brot på regelen, felles reaksjon frå skulen si side:

•  Ein elev oppheld seg utafor skulen sitt område / er inne i friminutta utan lov:
   eller
•  Ved tøff leik / snøballkasting på ikkje tilvist stad:
1. Eleven får tilsnakk frå ein vaksen.
2. Gjentek hendinga seg, tek lærar saman med eleven kontakt med heimen.
3. Dette kan føre til tap av privilegium.

6. Snop, tyggis, brus o.l. skal ikkje brukast i skuletida utan at dette er avtalt med lærar.

Brot på regelen, felles reaksjon frå skulen si side:

•  Eleven har snop / tyggis og brukar dette i skuletida:
1. Eleven får tilsnakk frå ein vaksen og må fjerne snopet. Eleven skriv namnet sitt, dato, klokkeslett på gul lapp.
Dette for å kunne iverksetje pkt. 2
2. Ved gjentekne gonger, må eleven kontakte føresette pr. telefon.

7. Dersom elevar har med seg mobiltelefon på skulen, skal denne ikkje nyttast før etter skuletid.
Mobiltelefonen skal leverast inn til lærar i 1. time.
Eleven får tilbake mobiltelefonen når skulen er slutt.
Dersom mobiltelefonen av praktiske grunnar likevel blir utlevert tidlegare, skal han ikkje nyttast før skulen er slutt.

Brot på regelen, felles reaksjon frå skulen si side:

1. Eleven får ein sjanse til å levere inn mobilen.
2. Dersom telefonen blir nytta i skuletida, blir han inndradd og blir utlevert neste dag. Foreldra får beskjed.
3. Frå fredag til måndag: I dette tilfelle kan evt. føresette ta kontakt med skulen.